Futbol üzrə Türkiyə Super Liqasında 31-ci tura start verilib. Sportarena.az xəbər verir ki, ilk oyun günündə dörd qarşılaşma baş tutub.
Dörd qolun qeydə alındığı “Girəsunspor” – “Sivasspor” matçında qalib müəyyənləşməyib. “Altay” isə evdə “Antalyaspor”a uduzub.
“Fənərbaxça” ardıcıl 4 oyundur məğlub olan “Kayserispor”un qonağı olub və darmadağına sevinib.
Son 3 oyunda yalnız bir qələbəsi olan “Qalatasaray” dogma meydanda “Fatih Karagümrük” komandasını sınağa çəkib. Meydan sahibləri bu matçda inamlı qələbə qazanıblar.
Türkiyə Super Liqası
31-ci tur
Girəsunspor – Sivasspor 2:2
Qol: U.Nayir, 72; 79 – Kayode, 39. Qradel, 44.
Kayserispor – Fənərbaxça 0:4
Qol: Zayç, 16. Rossi, 45. İ.Kahveçi, 54. A.Gülər, 90+3.
Altay – Antalyaspor 1:2
Qol: Rayan, 74-pen – L.Adriano, 25. Rayt, 70.
Qalatasaray – Fatih Karagümrük 2:0
Qol: Qomis, 4-pen. Babel, 12.