Bu gün Avropa Liqasında yarımfinal mərhələsinin ilk oyunları keçirilib.
Sportarena.az xəbər verir ki, Almaniyada “Leypsiq” Şotlandiyanın “Reyncers” komandasını sınağa çəkib və minimal hesabla qalib gəlib.
“Vest Hem” isə doğma meydanda Almaniyanın digər təmsilçisi “Ayntraxt”la (Frankfurt) qarşılaşıb. “Ayntraxt” Avroliqanın 1/4 mərhələsində İspaniya nəhəngi “Barselona”nı mübarizədən kənarlaşdırlmaqla çoxunun təəccübünə səbəb oldu. Bu baxımdan, Frankfurt təmsilçisinin “Vest Hem”lə görüşlərinin nəticəsi maraqla gözlənilirdi. Almaniya təmsilçisi İngiltərə klubuna da səfərdə qalib gəlməyi bacarıb.
Qeyd edək ki, yarımfinal mərhələsinin cavab görüşləri mayın 5-də oynanılacaq.
UEFA Avropa Liqası, yarımfinal
İlk oyunlar
28 aprel
23:00. "Leyptsiq" (Almaniya) - "Reyncers" (Şotlandiya) 1:0
Qol: Anxelinyo, 85.
Baş hakim: Benua Bastyen (Fransa)
Leyptsiq, "Red Bull Arena"
23:00. "Vest Hem" (İngiltərə) - "Ayntraxt" (Almaniya) 1:2
Qol: Antonio, 21 – Knauff, 1. Kamada, 54.
Baş hakim: Sərdar Gözüböyük (Niderland)
London, "Vest Hem" stadionu