Southampton müdafiəçisi Valentino Livramentonu uzun müddətə itirib.
Sportarena.az xəbər verir ki, 20 yaşlı futbolçu nəinki mövsümün, hətta 2022-ci ilin qalan oyunlarında meydana çıxa bilməyəcək.
İngiltərənin gənclər millisinin cinah müdafiəçisi sol dizindəki zədə səbəbindən əməliyyat olunub. Livramento ən azı gələn ilin yanvarına qədər yaşıl meydanlardan uzaq qalacaq.
Qeyd edək ki, Valentino Livramento bu mövsüm Premyer Liqada 28 oyuna çıxıb, 1 qol, 1 məhsuldar ötürmə ilə yadda qalıb.