“Feyenoord” UEFA-nın bilet siyasətindən narazıdır

Sportarena.az      11 May 2022 , 15:58
Avropa Konfrans Liqasının finalına vəsiqə qazanan “Feyenoord” UEFA-dan narazıdır. Niderland klubunu narazı salan məqam UEFA-nın bilet satışı ilə bağlı siyasətidir. Avropanın ali futbol qurumu finalda iştirak edəcək klubların hər birinə cəmi 3 min bilet ayırıb.
 
Həmçinin, satış yalnız UEFA kanalları vasitəsilə mümkündür ki, bu da komandaların azarkeşləri üçün əlavə bürokratik əngəllər deməkdir. Bundan əlavə, “Feyenoord” iddia edir ki, onlara əvvəlcədən ümumi satışlar barədə məlumat verilməyib, buna görə də, satışa çıxarılan 8500 biletin çoxu “Roma” azarkeşlərinə çatıb.
 
Artıq “Feyenoord” azarkeşləri də narazılıqlarını bildiriblər. Onlar finala biletsiz buraxılmaları üçün sosial şəbəkədə müraciət yerləşdiriblər.
 
“Feyenoord”la “Roma” arasında final oyunu mayın 25-də keçiriləcək.
 
Xatırladaq ki, daha öncə Çempionlar Liqasının finalına vəsiqə qazanan “Liverpul”un baş məşqçisi Yurgen Kloop da UEFA-nı bilet siyasətinə görə sərt tənqid etmişdi.
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin