Argentinalı futbolçu Karlos Teves peşəkar karyerasına nöqtə qoyub.
Sportarena.az xəbər verir ki, bu barədə 38 yaşlı hücumçu özü açıqlama verib. Təcrübəli futbolçu atasını itirdikdən sonra futbolla vidalaşmaq qərarı verib.
Karlos Teves karyerası ərzində "Korintians", "Vest Hem", "Mançester Yunayted", "Mançester Siti", "Yuventus", "Şanqay Şenua" klublarında oynayıb. Onun son klubu "Boka Xunyors" olub. Ulduz futbolçu Argentina millisinin heyətində meydana çıxdığı 76 matçda 13 qol vurub.