Basketbolun 3x3 növü üzrə Azərbaycan millisi Avropa çempionatının final mərhələsinə vəsiqə qazanıb.
Sportarena.az xəbər verir ki, basketbolçularımız Limassolda keçirilən seçmə mərhələnin yarımfinal oyununda Lüksemburqla qarşılaşıb. Rəqibinə 15:13 qalib gələn yığmamız finalda oynamaq haqqı qazanıb.
Həlledici görüşdə isə millimiz İrlandiyanı məğlub etməyi bacarıb. Basketbolçularımız rəqibinə 20:16 hesabı ilə qalib gəlib.
Bununla da yığmamız sentyabrın 9-11-i aralığında Avstriyanın Qrats şəhərində keçiriləcək Avropa çempionatının final mərhələsinə vəsiqə qazanmış olub.