İngiltərədə mövsümün ən yaxşıları və rəmzi komandası açıqlandı

Sportarena.az      10 İyun 2022 , 01:42
İngiltərə Peşəkar Futbolçular Assosiasiyası (PFA) Premyer Liqada 2021/2022 mövsümünün ən yaxşılarını və rəmzi komandasını açıqlayıb.
 
Sportarena.az xəbər verir ki, bu barədə qurumun mətbuat xidməti məlumat yayıb. “Liverpul”un hücumçusu Məhəmməd Salah geridə qalan mövsümün ən yaxşı oyunçusu elan olunub. Misirli futbolçu 2017/18 mövsümündə də bu titula sahib çıxmışdı. Bununla da o, “Liverpul”un tarixinə 2 dəfə mövsümün ən yaxşısı seçilən ilk futbolçu kimi düşüb.
 
“Mançester Siti”nin 22 yaşlı futbolçusu Fil Foden isə mövsümün ən yaxşı gənc oyunçusu seçilib.
 
Rəmzi komandada “Liverpul”dan 6, “Mançester Siti”dən 3, “Mançester Yunayted” və “Çelsi”dən isə bir futbolçu yer alıb:
 
Qapıçı: Allison Bekker (“Liverpul”);
 
Müdafiəçilər: Trent Aleksander-Arnold (“Liverpul”), Joao Kanselo (“Mançester Siti”), Antonio Rüdiger (“Çelsi”), Vircil van Dayk (“Liverpul”);
 
Yarımmüdafiəçilər: Tyaqo Alkantara (“Liverpul”), Kevin De Bruyne, Bernardo Silva (hər ikisi “Mançester Siti”);
 
Hücumçular: Sadio Mane, Məhəmməd Salah (hər ikisi “Liverpul”), Kristiano Ronaldo (“Mançester Yunayted”)
 
Xatırladaq ki, İngiltərə Premyer Liqasında 2021/2022 mövsümünün qalibi “Mançester Siti” olub.
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin