İsveçrənin "Sürix" klubunun prezidenti Ansilyo Kanepa Çempionlar Liqası II təsnifat mərhələsinin püşkünü dəyərləndirib.
Sportarena.az xəbər verir ki, klub rəhbəri potensial rəqibləri olan "Qarabağ" haqda fikirlərini bildirib:
"İlk yaxşı xəbər birinci oyunu səfərdə oynayacağımızdır. Bu, o deməkdir ki, cavab oyunu "Letsiqrun"da olacaq. İki rəqib də çətindir. "Lex" Polşa çempionatda çoxlu uuğurlar qazanıb. Eyni şeyi digər rəqib haqda da demək olar. "Qarabağ" illərdir Azərbaycan çempionudur və böyük beynəlxalq təcrübəyə malikdir. Hər iki rəqiblə oyunlar çətin olacaq. Növbəti mərhələyə çıxmaq üçün əlimizdən gələni edəcəyik".