Kamerun millisinin sabiq üzvü Samuel Eto'o "Barselona"da oynadığı dönəmdə (2004-2009) vergidən yayınmaqda ittiham olunduğu üçün 22 aylıq həbslə cəzalanıb və 1,8 milyon avro məbləğində cərimələnib.
Məhkəmə prosesində sabiq oyunçu vergidən yayındığını qəbul edib. Eto'o həbs olunmamaq üçün 3,8 milyon avro ödəyəcək.
Qeyd edək ki, sabiq futbolçu haqda ilk olaraq 10 il müddətinə həbs cəzası tələb edilmişdi. Ancaq o, 2 milyon avroluq vergi borcunu ödədiyi üçün ağır cəzadan qurtulmuşdu.