Niderlandın "Ayaks" klubu heyətini yeni futbolçu ilə gücləndirib.
Sportarena.az xəbər verir ki, Amsterdam təmsilçisi "Tottenhem"dən Stiven Berqveyni transfer edib. Bu barədə klubun mətbuat xidməti məlumat yayıb.
25 yaşlı vingerlə 5 illik müqavilə imzalanıb. "Ayaks" bu transfer üçün London təmsilçisinə 30 milyon avro ödəyib.
Stiven Berqveyn 2020-ci ilin yanvar ayında PSV-dən "Tottenhem"ə transfer olmuşdu. Niderland millisinin üzvü son mövsümdə İngiltərə klubunun heyətində meydana çıxdığı 34 matçda 4 qol və 2 məhsuldar ötürmə ilə yadda qalıb.