İspaniyanın məşhur “Marca” nəşri "Qəbələ"nin kapitanı Asif Məmmədovdan yazıb.
Sportarena.az xəbər verir ki, ispaniyalı həmkarlarımız Konfrans Liqasının ikinci təsnifat mərhələsinin “Fehervar”la (Macarıstan) oyununda “Qəbələ”nin futbolçusu İlkin Qırtımovun zədələnməsinə də yer ayırıb.
Bununla yanaşı isə Məmmədovun ona kömək etməsinə də toxunub. "Konfrans Liqasında faciə: Məmmədov Kyaer libasında” başlıqlı yazıda Asifin həkimlər çatana qədər Qırtımovun həyatını xilas etməsi diqqətə çatdırılıb:
"İlkin Qırtımov rəqib futbolçu ilə toqquşmadan yerə düşdü və huşsuz vəziyyətdə qaldı. Onun nəfəs ala bilmədiyini görən Asif Məmmədov tez həkimləri çağırdı. Buna qədər isə kapitan özü Qırtımovun dilini udmasına imkan vermədi və onu xilas etdi. Komanda yoldaşının çənəsini buraxmayan futbolçu, son Avropa çempionatında Kyaerin Erikssen üçün etdiklərini təkrar etdi və Qırtımovun həyatı xilas olundu".