"Rapid"in baş məşqçisi: "Neftçi" bütün planlarımızı pozdu"

Sportarena.az      5 Avqust 2022 , 00:47

Avstriya "Rapid"inin baş məşqçisi Ferdinand Feldhofer Konfrans Liqasının 3-cü təsnifat mərhələsində "Neftçi"yə 1:2 hesabı ilə uduzduqları səfər matçından sonra  mətbuat konfransında iştirak edib. O, oyunla bağlı bunları söyləyib:

- İlk 15 dəqiqə istəyirdik ki, "Neftçi"yə qarşı pressinq edək. Amma bu alınmadı. Məhz 15 dəqiqədən sonra "Neftçi" dominantlıq etməyə başladı. Alınmayan hallar çox oldu. Bir neçə taktiki dəyişiklik edirdik. Amma rəqib bütün planlarımızı pozdu. 

- Qolkiperinizi dəyişəcəksiniz?

- Buna ehtiyac görmürəm. Futboldur, alınan oyunlar da olur, alınmayan da.

- "Neftçi"nin bu cür oynadığını təsəvvür edirdiniz? 

 

- Oyundan qabaq "Neftçi"ni analiz etmişdik. Çalışdıq ki, oyunda dominantlıq edək. Amma 15 dəqiqədən sonra "Neftçi" bütün planlarımızı pozdu. Onlar səhvlərimizdən faydalanmağa başladı. Stadionun ab-havası da bizə təsir etdi.

- Bu matçdan sonra "Neftçi"ni cütün favoriti hesab edirsiniz?

- "Neftçi"yə hörmətlə yanaşıram. Amma hər iki komanda güclüdür. Cavab matçında bütün məsələlərə nöqtə qoyulacaq. Bundan əvvəl bir oyun qalib gəlmişik, birində heç-heçə etmişik. Oyunçularımız da yorulub.

- "Neftçi"nin ən təhlükəli silahı nə idi?

- Hər futbolçusu güclüdür. Eddini digərlərindən ayırmaq olar. Birəbirdə çox güclü idi. 

- Son saniyədə vurduğunuz qoldan sonra mərhələni keçmək şanslarınızı necə dəyərləndirirsiniz?

- Əlbəttə ki, şanslar var. Bura əlverişli nəticə üçün gəlmişdik. Qalib gəlmək istəyirdik. Amma 1:2 elə də pis nəticə deyil. Cavab matçında bir və ya bir neçə qol vurmaq olar.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin