UEFA “Fənərbaxça”nı cəzalandırdı

Sportarena.az      6 Avqust 2022 , 00:27
UEFA Türkiyənin “Fənərbaxça" klubunu cəzalandırıb. Buna İstanbul təmsilçisinin azarkeşlərinin UEFA Çempionlar Liqasının 2-ci təsnifat mərhələsi çərçivəsində baş tutan Ukraynanın "Dinamo" (Kiyev) komandası ilə ev oyunundakı davranışı səbəb olub.
 
Fanatlar 57-ci dəqiqədə hesabı açan Kiyev klubunun futbolçusu Vitali Buyalskinin təxribatçı hərəkətlərinə qarşılıq olaraq, Rusiya Prezidenti Vladimir Putinin lehinə şüarlar səsləndiriblər. Məsələni araşdıran UEFA "Fənərbaxça"nı 50 min avro məbləğində cərimə edib. Eyni zamanda komanda avrokuboklardakı növbəti ev matçını qismən azarkeşsiz keçirəcək.
 
Xatırladaq ki, "Fənərbaxça" - "Dinamo" görüşünün əsas vaxtı 1:1 hesabı ilə başa çatıb. İlk görüşdə qolsuz bərabərlik qeydə alındığı üçün əlavə vaxta ehtiyac duyulub. Əlavə vaxtda 1:0 hesablı qələbə qazanan Kiyev klubu növbəti mərhələyə yüksəlib. 
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin