UEFA-dan “Qarabağ”ın rəqibinə sərt cəza

Sportarena.az      6 Avqust 2022 , 11:10
UEFA Macarıstan çempionu “Ferentsvaroş”u cəzalandırıb. Buna Budapeşt klubunun azarkeşlərinin Çempionlar Liqasının 2-ci təsnifat mərhələsinin “Slovan”a qarşı oyununda (4:1) irqçi davranışları səbəb olub. Bu səbəbdən “Ferentsvaroş” 15 min avro cərimə ödəyəcək.
 
ÇL-in üçüncü təsnifat mərhələsinin “Qarabağ”la ev oyununda stadion azarkeşlər üçün qismən bağlı olacaq. “Qismən bağlanma” Budapeştdəki stadionun “B” tribunasında ən azı 1000 boş oturacaq deməkdir.
 
Bundan başqa, qərara əsasən, avqustun 9-da “Qarabağ”la keçiriləcək oyunda “Ferentavaroş” üzərində UEFA loqosu olan #NoToRacism yazısı olan pankart yerləşdirməlidir. Həmçinin UEFA yenə də irqçi davranışa görə macarlara komandanın avrokuboklarda növbəti səfər matçı üçün azarkeşlərinə bilet satmağı qadağan edib.
 
“Ferentsvaroş” azarkeşlərin atəşfəşanlıqdan istifadəsinə, sahəyə yad əşyalar atmasına, təhqiredici xarakterli təxribatçı qışqırıqlarına görə daha 50 min avro cəzalandırılıb. 30 gün ərzində macarlar Slovakiyadakı stadionda sınmış 20 oturacaq üçün “Slovan”a dəymiş ziyanı ödəməli olacaqlar.
 
Macarıstan çempionu sözügedən oyundakı davranışlarına görə UEFA-ya bütövlükdə 79 min avro cərimə ödəməlidir.
 
Xatırladaq ki, avqustun 3-də Bakıda “Qarabağ” və “Ferensvaros” arasında keçirilmiş ilk oyun 1:1 hesabıyla başa çatıb. Bu komandalar arasındakı cavab matçı isə ayın 9-da Budapeştdə keçiriləcək.
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin