PFL-lə Premyer Liqanın sponsoru arasında müqavilə imzalandı

Sportarena.az      10 Avqust 2022 , 12:44

Bu gün Bakı Olimpiya Stadionunda Azərbaycanın qanuni lotereya və idman mərc operatoru “Azərlotereya” ASC-nin “Misli” brendinin futbol üzrə Azərbaycan Premyer Liqasının titul sponsorluğuna dair müqavilənin imzalanma mərasimi keçirilib.

 

Sportarena.az xəbər verir ki, müqaviləni “Azərlotereya” ASC-nin İdarə Heyətinin sədri Zafer Reisoğlu və Peşəkar Futbol Liqasının prezidenti Elxan Səmədov imzalayıblar. Ölkəmizdə idmanın kütləviləşməsi yönündə dəstək göstərən “Misli” Azərbaycan Premyer Liqasının əsas sponsoru olacaq və ölkə çempionatı “Misli Premyer Liqası” adlanacaq. 

 

Peşəkar Futbol Liqası ilə “Misli” arasındakı əməkdaşlıq “Misli Premyer Liqası”nın daha da maraqlı keçirilməsi, idman mübarizəsinin daha yüksək səviyyəyə qaldırılması, oyunların keçirilməsində əməyi olan şəxslərin iş şəraitinin yaxşılaşdırılması, kadr ehtiyatlarının beynəlxalq təcrübə əsasında peşəkarlaşdırılması, zənginləşdirilməsi, beynəlxalq təşəkilatlarla əməkdaşlığın genişləndirilməsi və qarşılıqlı fəaliyyətin əlaqələndirilməsi, mövsümün gedişində, eləcə də sonunda müxtəlif  idman tədbirlərinin və mükafatlandırma mərasiminin yüksək səviyyədə təşkili, həmçinin həyata keçirilməsi planlaşdırılan layihələrin gerçəkləşdirilməsinə səbəb olacaq. 

 

“Misli” ilə əməkdaşlığın önəmindən bəhs edən AFFA-nın prezidenti Rövnəq Abdullayev razılaşmanın futbolun inkişafına daha da təkan verəcəyini bildirib, “Misli Premyer Liqası”nın futbolun populyarlığı baxımından mühüm əhəmiyyət kəsb etdiyini söyləyib.

 

Mərasimdə çıxış edən “Demirören Holding” şirkətinin İdarə Heyətinin sədri Yıldırım Demirören “Misli”nin Azərbaycan Premyer Liqasının baş sponsoru olması ilə ölkə futbolunun inkişafına mühüm töhfə verəcəyini vurğulayıb. Bildirilib ki, “Misli” hər zaman idmanın tərəqqisinə diqqət və qayğı göstərərək bu yolda dövlətin prioritet siyasətinə dəstək olmağa davam edəcək. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin